Vlerësimi i lojtarëve, trajnerëve, kryesisë dhe tifozëve të KF Arbëria për sezonin 2019/20

KF Arbëria pati një sezon fantastik në ligën e parë të kosovës në futboll me ç'rast edhe e siguroi kalimin në superligë. 

Sport Lajm po provon ti vlerësoj futbollistët e "Stuhisë së Kuqe" në bazë të asaj që kanë treguar në fushën e gjelbërt. (Vlerësimi është subjektiv dhe nuk do të thotë që është i saktë apo i njejtë me vlersimin tuaj personal)

Portjerët: 

Armend Miftari 8.0 (shokoi të gjithë me sezonin fenomenal)

Andi Thaçi 5.5 (erdhi në janar, në të vetmen ndeshje që luajti mori karton të kuq)

Mbrojtësit e krahut:

Lavdim Gashi 7.0 (u paraqit mirë gjatë gjysëm-stinorit vjeshtor)

Arbnor Gashi 6.5 (ishte një rezervist mjaftë kualitativ)

Leotrim Pajaziti 6.5 (Erdhi në janar por nuk u ambientua në 100% në 4 paraqitjet e tij)

Çlirim Avdulli 8.0 (i mirë në defanzivë e i shkëlqyeshëm në ofenzivë)

Mbrojtësit e qendres: 

Bashkim Selimi 6.5 (rezervist cilësor, luajti mirë kur i'u dha mundësia)

Rilind Gërbeshi 7.5 (paraqitje shumë të mira, lider në mbrojtje)

Visar Gojnovci 7.0 (dha gjithçka nga vetja në gjysëm stinorin vjeshtor)

Leotrim Beqiri 6.5 (erdhi në janar, i dha qetësi mbrojtjes)

Mesfushorët qendrorë:

Kreshnik Bahtiri 8.5 (super sezon nga Bahtiri, box-to-box mesfushori më i mirë në ligë)

Korab Hasani 6.0 (erdhi në janar, luajti disa ndeshje ishte deri diku mirë)

Dior Zabërgja 7.5 (erdhi në janar dhe shkëlqeu duke shënuar madje 3 gola)

Kujtim Qeli 7.0 (Lojtar shumë i mirë rotacioni për Arbërinë)

Eni Ademi 6.5 (Luajti mirë rolin e tij në gjysëm-stinorin vjeshtor)

Flamur Shala 6.0 (Erdhi në Janar, nuk arriti të ambientohet dhe aq mirë)

Adhurim Bekteshi 6.0 (nuk pati minuta të mjaftueshme, kur u inkuadrua luajti mirë)

Mesfushorët e krahut:

Almir Kryeziu 8.5 (top golashënuesi i skuadrës, fantastik në këtë sezon)

Agon Llugiqi 7.5 (motorr në mesfushë, herë në krah e herë në qendër)

Çlirim Kashtanjeva 7.5 (golat e Kashtanjevës ndihmuan në suksesin e klubit)

Sulmuesit:

Hysen Bytyqi 8.0 (Realizoi mjaftueshëm teksa u angazhua si në sulm po edhe në mbrojtje)

Kryesia: 8.5 (dhanë maksimumin, arritën qëllimin)

Trajnerët: 8.5 (të mahnitshëm, lojtarët ishin në formë fenomenale falë tyre)

Tifozeria: 8.0 (u paraqitën mirë, në superligë pritet të paraqiten akoma më mirë)

Pjesë e skuadrës ishin edhe lojtar të tjerë si: Auron Hamiti, Valmir Sopa, Drilon Leci, Driton Selimi, Armend Halili, Adrim Llugiqi, Elton Breznica dhe Gentian Emini por për këta lojtar nuk pati minuta të mjaftueshme për t'i vlerësuar.

34 golat e Arbërisë, kush ishin "bomberët" e Stuhisë së Kuqe?

Arbëria ishte skuadra me sulmin më të mirë në ligën e parë në sezonin i cili u ndërpre në mes para pak ditësh, Dobrajasit në 20 ndeshje realizuan 34 gola duke siguruar kështu edhe kalimin në superligë.

Treshja e sulmit: Kryeziu, Bytyqi, Kashtanjeva ishte maestrale gjatë gjithë sezonit e sidomos në pjesën vjeshtore ku realizuan plotë 19 gola së bashku, teksa më pas në pranverë një gol më tepër për këtë treshe e shtoi Almir Kryeziu.

Edhe mesfushorët: Bahtiri, Llugiqi dhe Zabërgja luajtën rol të rëndësishëm në ofanzivën e pamëshirshme të Dobrajasve duke shtuar së bashku 10 gola, teksa me nga një gol në këtë sezon fantastik kontribuan edhe mbrojtësit Gashi, Selimi e Gonovci. Një gol për "Stuhinë e Kuqe" e realizoi edhe Adhurim Bekteshi i cili luajti në skuadër vetëm gjatë gjysëm-stinorit vjeshtor.

Lista e plotë e golashënuesëve:

1. Almir Kryeziu - 8 gola

2. Hysen Bytyqi - 7 gola

3. Çlirim Kashtanjeva - 5 gola

4. Kreshnik Bahtiri - 4 gola

5. Dior Zabërgja - 3 gola

6. Agon Llugiqi - 3 gola

7. Adhurim Bekteshi - 1 gol

8. Arbnor Gashi - 1 gol

9. Bashkim Selmi - 1 gol

10. Visar Gojnovci 1 gol

Sport Lajm, 4 Qershor 2020

Disfata më e rëndë e Ulpianës, sulmuesi që e larguan realizonte dy gola dhe nënqmonte skuadrën me festimin e tij

Ardit Gashi ishte pjesë e grumbullimit të KF Ulpianës gjatë verës së kaluar, por sulmuesit nuk i eci mirë me trajnerin e atëhershëm të skuadrës, Megzon Visokën i cili akoma pa u bërë dy javë e largoi shtatëgjatin nga skuadra. 

Hakmarrjen e tij kundër klubit lipjanas, Gashi e kishte ruajtur për javën e pestë të sezonit që po lëmë pas, atëher kur ai shpërtheu duke shfaqur efikasitetin e tij të lartë para portës dhe duke ndihmuar skuadrën e Drenasit të fitonte me lehtësi dhe thellë, 5-1 kundër Ulpianës.

Gashi brenda pak minutave realizonte dy herë duke i bërë kështu lipjanasit të çmendeshin dhe të kuptonin se çfarë kishin humbur duke marrë parasysh se asnjëri prej sulmuesëve të bardhë e kaltërve nuk po arrinte të shënonte.

Ajo çfarë do të mbetet gjatë nën kujtesen e stafit, lojtarëve e trajnerëve të Ulpianës do të jetë festimi i veçantë i sulmuesit me anë të të cilit ai mundohej ti thoshte lipjanasve "ju nuk jeni normal".

Kliko këtu për të parë golat e Ardit Gashit kunder Ulpianës!

Sport Lajm, 4 Qershor 2020

Erdhi si emergjencë por shkëlqeu, Armend Miftari fantastik si portier i Arbërisë

Arbëria pati shumë probleme para-sezonale në mesin e të cilave edhe ai i sigurimit të një portieri deri krejt në fund të gushtit kur në skuadër u rikthye, Armend Miftari.

6 herë e mbajti portën e paprekur e gjithashtu kontriboi me disa pritje fantastike që i ndihmuan skuadrës të merrte fitore pas fitore e pikë pas pike deri në pezullim të kampionatit kur Arbëria u rëndit në pozitën e dytë në tabelë me 36 pikë.

Para se të arrinte tek KF Arbëria, Miftari po haste probleme të mëdha në skuadrën tjetër lipjanase  Ulpianën, të cilët nuk po i jepnin as shancin më të vogël të luftonte për fanellën numër "një" pasi kishin vënë në qendër të projektit të tyre dy portjer të rinjë të ardhur nga skuadrat junior të Ferizajit e Llapit duke anashkaluar kështu tërësisht kontributin dhe përvojën e Miftarit.

Gardiani 25 vjeçar i uritur për të shkëlqyer e nisi sezonin mes vështirësive pasi në 7 javët e para skuadra nuk po performonte siç ishte më së miri duke pësuar plotë 15 gola dhe duke mos arritur ta mbante portën e paprekur në asnjërën prej këtyre ndeshjeve.

Nga java e 8-të e tutje, Miftari u bë shtylla kryesore e mbrojtjes së Arbërisë dhe arriti të mbante portën e paprekur në 50% të ndeshjeve (6 nga 12 ndeshje), ekipi nga Dobraja në këtë periudhë kohore kaloi një "metamorfozë" duke u shëndrruar nga një prej skuadrave me mbrojtjen më të dobët në një prej skuadrave më të mira në këtë repart.

Miftari që nuk u vlerësua siç duhet nga Ulpiana tashmë e sheh veten në superligë për herë të dytë në karrierë, pasi më parë kishte kaluar një periudhë të shkurtër si gardian i Hajvalisë.

Sport Lajm, 4 Qershor 2020

Vlerësimi i lojtarëve të KF Ulpianës për sezonin 2019/20!

Mbi 30 futbollistë djerësitën fanellën e KF Ulpianës gjatë këtij sezoni, disa prej tyre zgjatën vetëm gjysëm sezoni, disa ishin me klubin gjatë tërë sezonit ndërsa disa futbollistë u afruan në merkaton e janarit.

SportLajm vendosi që duke marrë parasysh kontributin dhe aftësitë e treguara nga secili lojtar veç e veç përgjatë gjithë sezonit t'i vlerësoj ata për performancat e tyre:

Portjer: 

Edison Rexhepi 6.5 (deri diku mirë, ka hapsirë për përmirësime)

Apollon Tara 5.5 (nuk pati minuta, kur luajti performoi dobët por ka kohë për tu përmirësuar)

Mbrojtës krahu:

Valmir Kutllovci 5.5 (performancë e dobët)

Egzon Abazi 6.0 (pak minuta, kur luajti ishte ndër më të mirët)

Kastriot Rapuca 5.5 (pak minuta, erdhi në janar dhe luajti pak ndeshje)

Xhafer Kaleshi 5.5 (u largua në janar, nuk pati shumë minuta, kur luajti u paraqit më mirë se të tjerët)

Denis Haliti 5.0 (pritshmëritë të mëdha, paraqitjet katastrofale, Haliti ecte në fushë dhe nuk bëri asgjë)

Florent Muslija 5.0 (jo i nivelit të ligës së parë, mungesë e diciplinës)

Mbrojtës qendre: 

Akil Makolli 6.0 (performancë e dobët nga lojtari prej të cilit pritej më së shumti)

Granit Ahmeti 6.0 (jo keq, në disa ndeshje ishte më i dobti në fushë në disa të tjera pak më mirë)

Gentian Emini 6.0 (pak minuta, si mbrojtës i majtë ishte më i miri në qendër u paraqit më dobët)

Muhamed Rakovica 6.5 (pak minuta por në ato pak ndeshje që luajti kreu super performanca)

Kujtim Dubova 5.0 (pak minuta për t'u vlerësuar më mirë)

Mesfushor qendre:

Ardi Shala 5.5 (paraqitje të dobta nga një futbollist që premtonte më shumë, probleme me kartona)

Emir Baftiu 6.5 (u largua herët, në ato ndeshje që luajti ishte zemra e ekipit, motorr në mesfushë)

Ramush Ramadani 6.0 (erdhi në janar, paraqitje të mira por pak minuta për tu vlerësuar më shumë)

Eni Ademi 5.5 (erdhi në janar, e pati të vështirë ambientimin në start, do paraqitej më mirë me kohën)

Egzon Qerimi 5.5 (erdhi në janar, nuk pati pozitë fikse, mori numër të rëndë luajti nën nivelin e duhur)

Samir Sadriu 6.5 (fantastik në minutat që i'u besuan, luante edhe i dëmtuar, gabim që u largua)

Butrint Gashi 6.0 (nuk luajti shumë, në momentet kur ekipi mori pikët vendimtare u paraqit mirë)

Mesfushor anësor/ ofenziv:

Shqiprim Kelmendi 6.0 (vitin e kaluar fantastik me 50 gola e asiste, këtë vit e tërë skuadra shënoi 23)

Trimëror Selimi 5.5 (erdhi në janar, i dha paksa freski krahëve por nuk ishte në nivelin e duhur akoma)

Blendon Azemi 5.0 (nuk ishte dhe aq dobët, por shumë pak produktiv për pozitën që kishte në fushë)

Mubarek Musliu 4.5 (krah i majtë i sulmit që nuk mbante mend as vetë kur kishte shënuar)

Mentor Mazrekaj 5.5 (top lojtar por i lënduar e jashtë forme, nëse kthehet në formë të qëndroj në ekip)

Velson Morina 4.5 (pak minuta, pak kontribut)

Ardi Arifi 5.5 (pati shumë pak mundësi edhe pse në ato pak minuta ishte më i rrezikshem se të tjerët)

Albion Kurtaj 5.5 (nuk arriti të përshtatet me klubin dhe me strategjitë e trajnerëve)

Sulmues:

Drin Imeri 6.0 (i fuqishëm në lojën me shpinë por shumë pak produktiv me gola)

Pleurat Hajdini 4.0 (pse u afrua ky futbollist në janar?)

Armend Misini 6.0 (pak pritej nga ai, por sa her u inkuadrua në fushë dha maksimumin dhe luajti mirë)

Kërkojmë falje nëse kemi harruar pa vlerësuar ndonjë nga futbollistët, vlerësimi është totalisht subjektiv dhe nuk do të thotë që e kemi saktë në atë qfarë kemi shkruar... pra, janë vetëm mendime personale bazuar në atë çfarë kemi parë.

Portalet i'a kanë huqur, ja cili trajner është më së afërti me KF Arbërinë

KF Arbëria po kontakton dhe është gati ta bind trajnerin e suksesshëm kosovar i cili ka ditur të fitojë superligën si me Prishtinën e poashtu edhe me Feronikelin.

Nga shumë prej portaleve sportive u tha se për stolin e Arbërisë janë kontaktuar disa trajner ndër të cilët Mensur Duraku, Arsim Thaçi, Megzon Visoka e Sami Sermaxhaj por nga burime të afërta me skuadrën dhe prej disa bisedave, Sport Lajm mëson se Arbëria për momentin po kontakton dhe është afër të bind trajnerin e suksesshëm kosovar, Afrim Tovërlanin.

Skuadra po negocion tash e disa ditë me Toki-n teksa raportohet se bisedimet kanë arritur në një fazë finale, dhe palët janë akorduar gati 90 për qind me njëri-tjetrin.

Sport Lajm, 1 Qershor 2020

Arbëria bënë gabimin e parë, mashtrohet tek trajnerët e "superligës"

Më t'u inkuadruar në superligë, KF Arbëria ka filluar edhe ndjekjen e një trajneri të ri për skuadrën duke anashkaluar kështu të gjithë suksesin e arritur me në krye, Nuhi Bahtirin.

Nuk do koment, superliga normalisht është shumë më e rëndë se liga e parë. 

Por, në sezonet e fundit kemi parë të njejtin gabim që përsëritet vit pas viti nga skuadrat që inkuadrohen në elitë, të cilat ndryshojnë trajnerin e tyre dhe më pas edhe të gjithë strukturën e klubit duke qenë krejtësisht të papërgaditur për fillimin e kampionatit.

Fakti që Arbëria po kërkon trajner të ri u nënkuptua edhe në intervistën e ish-trajnerit, Nuhi Bahtiri për gazetarin veteran, Ismail Rexhepi në të cilën ai thoshte që do të ishte i kënaçur edhe me një rol në ekipin U-19 teksa më pas ky fakt u vërtetua edhe në emisionin SportShow në Klan Kosova, aty ku drejtori i klubit theksoi se Arbëria po kërkon për një "kryetrajner" të ri.

Arsim Thaçi, Bekim Shotani, Megzon Visoka dhe Sami Sermaxhaj janë ndër emrat e përfolur për trajnerin e ri të KF Arbërisë. 

Ndryshimi i fizionomisë totale të ekipit dhe marrja e lojtarëve e trajnerëve me "emër" nuk të bënë absolutisht skuadër më serioze dhe nuk ta siguron aspak mbijetesën, në fakt është krejt e kundërta.

Trajnerët e "superligës" viteve të fundit kanë treguar që vijnë në klub, ndryshojnë më shumë se gjysmën e ekipit, i humbin shkëlqimin futbollistëve e sidomos talenteve aktual të skuadrës dhe më pas rrëzohen nga superliga me vetëm 10 pikë ose më pak në tabelë, kjo nuk do mend... është e vërtetuar.

Me ardhjen e një trajneri të ri do të ishin në rrezik të gjithë futbollistët aktual të Arbërisë të cilët sakrifikuan shumë për t'a inkuadruar skuadrën në superligë, por më të rrezikuarit prej tyre do ishin Qlirim Avdulli dhe Rilind Gërbeshi të cilët si lojtarët më të rinjë në moshë dhe ndër më të mirët e skuadrës me paraqitje të mira do të mund të shiteshin edhe në europë nga Arbëria, por kush garanton që trajneri i ri që vjen nuk i ndryshon ata për dy veteranë tashmë të hargjuar të superligës?

Trajneri i ri kushdo që të jetë, ndoshta do t'i japë Arbërisë më shumë vëmendje mediatike por asnjëher nuk mund t'i jap Arbërisë punën dhe përkushtimin të cilën i'a dha Nuhi Bahtiri.

Nuk është teori, është fakt... e kanë provuar shumë skuadra; Vllaznia, Ferizaji, Dukagjini, Vushtrria, Keku etj, e besoj që të gjithë tashmë e dimë se çfarë rezultate kishin dhe kanë ato skuadra. Llapi e provoi disa herë me Batatinën që lëshoi pe por në fund përsëri e pa, që pavarësisht emrit këta trajner të "facebook-ut" e të "superligës" të sjellin mbi kokë 100 telashe dhe të garantojnë rrëzimin e shpejtë nga elita.

Turneu i zjarrtë i Gjurkovci-t do të mbahet, këto janë risitë

Vitin e kaluar lanë përshtypje të mëdha në futbollin e vogël rajonal pasi organizuan një turnir shumë emocionues dhe mirë të planifikuar, teksa këtë vit ata do të rikthehen përsëri me datën e fillimit të turnirit që do të vendoset në ditët në vijim.

Komentatori i zjarrtë i cili ishte risi e madhe e turneve të vitit të kaluar si dhe atmosfera fantastike e mikëpritja e jashtëzakonshme ishin disa nga risitë që pruri turneu "Besim Sopa - Gazepi" i cili u rikthye pas shumë vitesh mos-aktivitet.

Edhe këtë sezon njejt si në atë të kaluarin, ky turne do të vijë me risi të shumta ndër të cilat; pjesa e dedikuar sponzorëve të cilët do të mund t'i shikonin lojët brenda fushës, ndarja e hapsirës për shikueset e gjinisë femërore e poashtu edhe sigurimi i parkimit për futbollistët dhe tifozët që do të ndjekin ndeshjet.

Stafi i turneut kanë treguar se do të bisedojnë gjatë këtyre ditëve si me kryetarin e Komunës së Shtimes, Naim Ismajlin e poashtu edhe me Kryetarin e Komunës së Lipjanit, Imri Ahmetin me të cilët do të diskutojnë rreth ndihmës që këta të fundit mund t'i japin turneut që mbahet në fshatin i cili ndodhet në mes të dy qyteteve, Gjurkovcin.

Kampion i vitit të kaluar ishte skuadra "7 Vëllezërit" të cilët mposhtnin thellë në finale yjet e futbollit të madh (Xhevdet Shabani, Egzon Shabani, Dardan Jashari, Gzim Rusi, Edon Sadriu etj)

Futbolli i vogël po rikthehet, ky turne gjigant e konfirmon mbajtjen e edicionit 2020

Një nga turnetë më të shikuar dhe më atraktiv në Kosovë, '2 Korriku' që luhet në Beguncë po rikthehet edhe këtë vit me ndeshjet spektakolare, rivalitetin e zjarrtë dhe garën e mrekullueshme sportive.

Turnetë e ndryshëm të futbollit të vogël në Kosovë janë ajka e atmosferës sportive gjatë muajve të nxehtë të verës, një nga turnetë tradicional që zhvillohet tash e shumë vite është edhe ai i '2 Korrikut' në Beguncë të Vitisë.

Me anë të një postimi në faqen zyrtare të turneut në rrjetin social facebook, stafi ka lajmëruar që gara për trofeun e më të mirit të futbollit të vogël në Viti do të mbahet edhe këtë vit pasi nuk parashihet më rrezik nga pandemia Covid-19.

"La Liga po fillon,

Premier liga po fillon,

Bundesliga po fillon, po ashtu edhe

2-KORRIKU BEGUNCA 2020 po fillon" - shkruajnë stafi në facebook.

Kampion i edicionit të fundit të këtij turneu ishte skuadra e Erolli Dekor e cila mposhte në finale yjet e futbollit kosovar. Në këtë turnir përveç ekipeve nga Kosova marrin pjesë edhe shumë ekipe nga vendet fqinje si Maqedonia e Veriut.

5 arsyet e suksesit të KF Arbërisë, superliga mëse e merituar!

Para disa ditësh, KF Arbëria mori lajmin e madh i cili njoftonte se garat në ligën e parë, të dytë dhe atë të tretë do të përfundonin me renditjen aktuale tabelore. Arbëria që mbante me plotë meritë pozitën e dytë deri në ato momente do të kalonte në superligë së bashku me Besën duke arritur kështu të plotësonte një synim të kahmotshëm dhe historik.

Për të arritur deri tek Superliga; futbollistët, shtabi teknik si dhe kryesia punuan pandalë dhe me plotë dëshirë duke mos u dorëzuar në asnjë moment të sezonit dhe duke kaluar pritshmëritë e të gjithëve me performancat e jashtëzakonshme si brenda fushe e poashtu edhe në zyret e klubit.

Më poshtë Sport Lajm rëndit 5 arsyet kryesore të suksesit të Arbërisë:

1. Konkurrenca e madhe në ekip - Arbëria gjatë sezonit të fundit arriti të krijoi një konkurrencë të paparë në ekip çka ndikoi drejtpërdrejt edhe në arritjen e rezultateve dhe sukseseve të mëdha, nga 2 apo 3 lojtar shumë kualitativ pati në dispozicion gati për çdo pozitë të fushës trajneri Nuhi Bahtiri. 

2. Paraqitjet e mira në "Sami Kelmendi" - Në futbollin kosovar dhe në atë europian në përgjithësi ndeshjet e mëdha fitohen në shtëpi dhe pikët kryesore arrihen poashtu në shtëpi aty ku ke përkrahjen e tifozëve vendas dhe stërvitesh gjithnjë. Arbëria i'a doli mjaftë mirë ta blindojë "Sami Kelmendin" gjatë këtij sezoni me skuadrat që vinin aty me këmbë të dridhura dhe të frikësuar nga "Stuhia e Kuqe" dhe atmosfera vendase. Në "Sami Kelmendi", Arbëria arriti 6 fitore, 3 barazime dhe vetëm një humbje duke marrë kështu në total 21 pikë nga 30 të mundshme.

3. Goditjet e sakta në merkaton e janarit - Që Arbëria e pati seriozisht inkuadrimin në superligë u pa në janar të këtij viti, atëher kur Arbëria edhe pse kishte një grup tejet kualitativ lojtarësh nuk hezitoi që t'i shprazte paksa gjepat për të afruar edhe disa futbollistë të tjerë kualitativ që do t'i ndihmonin skuadrës. Arbëria afroi në janar Zabërgjën nga superliga, Shalën dhe Hasanin nga rivalët direkt të ligës së parë si dhe Gentian Eminin dhe Andi Thaçin për t'i bërë rivalitet në pozicionet e tyre Armend Miftarit dhe Çlirim Avdullit.

4. "STUHIA E KUQE" - Hisedarë të padiskutueshëm të suksesit të skuadrës nga Dobraja ishin edhe tifozët fanatikë të klubit që mbajnë emrin "Stuhia e Kuqe", përveç përkrahjes së paprecedent në takimet si vendas të Arbërisë, Stuhia udhëtoi disa herë edhe në takimet si musafire të skuadrës. Është e sigurt të thuhet se ndoshta të vetmit që besonin 100% në suksesin e skuadrës ishin pikërisht ata, tifozët besnik të klubit.

5. Kryesia e klubit - E fundit por definitivisht më e rëndësishmja, kryesia e klubit nga Dobraja luajti rolin pivotal të suksesit të skuadrës. Në të gjitha arsyet e lartë-permendura gisht patën edhe kryesia e klubit. Ata në krye me Jahir Krasniqin i'u plotësuan të gjitha kushtet futbollistëve e shtabit teknik, respektuan dhe afruan afër vetës edhe tifozët e klubit, ndërtuan strategji afatgjata gjatë gjithë sezonit si dhe në momentin kur duhej treguar vlera e tyre, nuk ndenjtën duarkryq por intervenuan duke "djegur" lojën në merkaton e janarit dhe duke e përforcuar skuadrën akoma më shumë. Vetëm t'i shikoje fytyrat e lumtura të futbollistëve gjatë gjithë sezonit do të kuptoje se sa shumë ata përkraheshin nga kryesia e klubit.

Sport Lajm, 31 Maj 2020