4-0 ka fituar Minatori në miqësoren e fundit të luajtur dje kundër A&N Prizren, tregolësh shënoi Blend Hyseni dhe një gol shtoi Flamur Gashi.
Minatori i Magurës ka shkëlqyer në miqësoren e djeshme kundër skuadrës së A&N Prizren duke fituar me rezultatin e thellë 4-0, në një takim ku ekipi i Faruk Statovcit shkëlqeu në fushë dhe për më tepër arriti të mbajë rrjetën e pa prekur.
Hetrik në fitore shënoi Blend Hyseni i cili u ndihmua dhe nga një gol i Flamur Gashit për rezultatin përfundimtar Minatori 4-0 A&N, mbrojtja e përbërë nga Arbias Statovci, Nderim Jashari, Mentor Bytyqi dhe Gentrit Statovci shkëlqeu në këtë ndeshje, teksa i jashtëzakonshëm ishte dhe "pllejmejkeri" Valon Hasani.
"Xehëtarët" janë favorit absolut për të siguruar një vend në ligën e parë për sezonin e ardhshëm.
