Futbollisti Lipjanas Gent Miftari po shkëlqen në Ligën e Ontarios Jugore, 22 golat e tij në 13 takime i kan ndihmuar LS Croatias të shpallet kampion në kohë rekord.
Gent Miftari nga Lipjani po bënë "gërrdi" në Ligën e Futbollit të Ontarios në Kanada, 31 vjeçari ka arritur të shënoj 22 gola dhe 17 asiste në 13 ndeshje të zhvilluara gjatë këtij sezoni për ti siguruar skuadrës së tij LS Croatia titullin në WOSL (Western Ontario Soccer League) kur kanë mbetur dhe 4 javë deri në përfundim të kampionatit.
Përveq titullit të kampionatit në Ontario, skuadra e LS Croatia ka arritur dhe në dy finale kupash gjatë këtij sezoni me Miftarin si lojtar kryesor të skuadrës i cili ishte vendimtar në fitoren 4-3 ku shënoi gol kundër London Macroni duke e dërguar kështu skuadrën e tij në finalen e kupës së ligës.
Pjesë e LS Croatia së bashku me sulmuesin lipjanas është edhe Artan Latifi që dikur ishte dhe ish-portieri i shumë skuadrave të superligës Kosovare si Keku, Drita e Hysi
Miftari më parë kishte luajtur dhe për skuadrën e London City në CSL (Canada Soccer League) që është dhe liga kryesore në Kanada, teksa ka filluar karrierën e tij futbollistike qysh në moshën 7 vjeçare në shkollën e futbollit KF Ulpiana.
