Klubi futbollistik Arbëria nga Dobraja ndau mirënjohje për 27 lojtarët e grupmoshës U-15 të quajtur ndryshe "pioner" të cilët arritën suksese gjatë këtij sezoni.
Arbëria U-15 u shpall kampione në Ligën Rajonale të Futbollit në Ferizaj edhe pse ka shumë pak që është ri-themeluar si shkollë e futbollit, ky sukses i tyre nuk është lënë në hije dhe është vlerësuar nga Stafi dhe Udhëhqësia e skuadrës të cilët i kanë shpërblyer këta djemë të cilët kanë shkëlqyer në këtë edicion me mirënjohje.
Trajneri Ylber Statovci punoi me mjaft dëshirë me skuadrën dhe mundi i tij arriti frytet kur Arbëria U-15 mundi në penallti bashkë-moshatarët e Vjosës së Shtimës për tu shpallur kampion.
