Para afërsisht 200 shikuesëve KF Arbëria shënoi fitore të lehtë përballë skuadrës së sapoformuar të KF Lipjanit, Lavdim Gashi shkëlqeu më së shumti në fushë teksa rezultati përfundimtar i takimit ishte 10-0.
Pjesa e parë nisi plogësht dhe nuk pati aksione të mire ndërtuara nga njëra apo tjetra skuadër teksa lufta më e madhe bëhej në mesfushë, përvoja e Arbërisë dhe mos kombinimi tek lojtarët e Lipjanit që luajtën ndeshjën e pare si skuadër vendosën rezultatin përfundimtar të kësaj pjese 4-0, ku dy gola shënoi Lavdim Gashi teksa nga një here realizuan dhe Llugiqi e Ademi.
45 minutëshi i dytë vuri në pah përgaditjen më të mirë dhe bankën rezervë të Arbërisë që ishte milje larg asaj të Lipjanit për nga kualiteti, në këtë pjesë lojë lojtarët e Arbërisë shënuan dhe 6 gola të tjerë teksa lojtarët e inkuadruar në lojë nga Jeton Gashi tek skuadra e Lipjanit gjatë kësaj pjese dolën të jenë shumica të dështuar dhe jo të gatshëm për të vazhduar tutje me skuadrën.
Tek ekipi i sapo formuar mirë luajtën Daut Dedushi, Lorik Buja, Mentor Lekaj, Elbasan Gashi dhe Agon Ismaili teksa tek kuq e zinjtë e Nuhi Bahtirit shkëlqyen Lavdim Gashi, Edmond Hyseni, Eni Ademi dhe Pleurat Dugolli që mbajti portën e pa prekur në debutimin e tij për "Stuhinë e kuqe".
