Të fitosh 15 ndeshje rradhazi dhe të kalosh nga pozita e katërt në të parën e të rrëmbesh titullin kampion nuk është aspak e lehtë, por treshja e drejtorëve të Ulpianës dhe katër trajnerët i'a dolën ta bëjnë këtë mrekulli dhe ta rikthejnë skuadrën e qytetetit aty edhe ku i takon.
Janari e Shkurti ishin muajt e ndryshimit të madh për Ulpianën, këtu Fitim Arifi dhe Ylli Jashari që mbajnë rolet e drejtorit sportive të klubit e përkatësisht sekretarit të klubit së pari rrëmbyen trajnerin e ri dhe super të talentuar Megzon Visokën e pastaj së bashku me të krijuan planin e suksesit dhe transferuan edhe disa lojtar të tjerë ndër të cilët super-dyshen Akil Makolli & Granit Ahmeti që u bënë shtylla e mbrojtjës dhe eksperienca e skuadrës në misionin e vështirë për inkuadrim në superligë.
Ka ekipe të shumta që kanë lojtarë të jashtëzakonshëm por i'u mungon menagjimi e financat por ekipit Lipjanas këto gjëra nuk i munguan asnjëher, skuadra u përforcua dhe u mbajtë mjaftë mire financiarisht nga numri një i saj Abedin Salihu "Dino", ndërsa në fushë "Tigrat" shkëlqyen nën urdhërat e Megzon Visokës që kishte ardhur tek Ulpiana si fitimtar dhe fitimtar mbeti.
Qysh nga ndeshja e parë e pranverës kundër Bashkimit u pa mirë forca e bardhë e kaltërve të cilët shkelën të gjitha skuadrat që patën para duke arritur kulmin e formës kundër rivalëve të Minatorit, Lepencit e Dardanës të cilat i mposhti, i kaloi dhe u bë kampion.
Kryetari Abedin Salihu ka kryer të gjitha obligimet financiare ndaj lojtarëve dhe stafit, duke qenë një nga të vetmit në Kosovë që nuk i'u ka asnjë cent borgj ekipit.
